گوگل نیوز پر ہمیں فالو کریںماضی کی مقبول ترین بالی ووڈ اداکارہ پریتی زنٹا کی ہمشکل سوشل میڈیا صارفین نے امریکی اداکارہ ڈھونڈ لی۔
سوشل میڈیا صارفین نے شاہ رخ خان، عمران ہاشمی، انیل کپور، رنبیر سنگھ اور لیجنڈری اداکار رجنی کانت کے ہمشکل کے بعد اب پریتی زنٹا کی ہمشکل بھی تلاش کرلی ہے۔
سماجی رابطے کی ویب سائٹ ایکس (سابق ٹوئٹر) پر“فلم اپڈیٹس”کے نام سے موجود تصدیق شدہ اکاوْنٹ نے معروف امریکی اداکارہ للی گلیڈسٹون کی تصویر پوسٹ کی۔
Lily Gladstone has been announced as the honorary chair for the 2024 Spirit Awards. pic.twitter.com/GLAOEhNHU4
— Film Updates (@FilmUpdates) December 14, 2023
امریکی اداکارہ کی تصویر نے سوشل میڈیا صارفین کو اُلجھن میں ڈال دیا اور وہ تبصرے کرکے پوچھنے لگے کہ پریتی زنٹا کی تصویر کیوں پوسٹ کی جبکہ کچھ صارفین نے تو ایوارڈ کے لیے نامزد ہونے پر امریکی اداکارہ کے بجائے پریتی زنٹا کو مبارکباد دی۔
ایکس پر تصویر پوسٹ کرتے ہوئے“فلم اپڈیٹس”نے اعلان کیا کہ“فلم‘کِلرز آف دی فلاور مون’کی اداکارہ للی گلیڈسٹون کو 2024 کے اسپرٹ ایوارڈز کے لیے نامزد کیا گیا ہے”۔
