گوگل نیوز پر ہمیں فالو کریںعالمی سطح پر انٹرنیٹ اسپیڈ ٹیسٹ سروس کے لیے مشہور کمپنی اوکلانے سال 2025 کی پہلی ششماہی (جنوری تا جون) کے دوران پاکستان میں موبائل انٹرنیٹ اور فکسڈ براڈ بینڈ فراہم کرنے والے اداروں کی تازہ کارکردگی رپورٹ جاری کر دی ہے۔
اس رپورٹ میں لاکھوں صارفین کے اسپیڈ ٹیسٹ ڈیٹا اور معیارِ استعمال کی بنیاد پر مختلف کمپنیوں کو درجہ بندی میں شامل کیا گیا ہے۔
رپورٹ کے مطابق پاکستان میں موبائل نیٹ ورکس میں سب سے بہتر کارکردگی جاز نے دکھائی جس کا اسپیڈ ٹیسٹ کنیکٹیویٹی اسکور 56پوائنٹ 52 ریکارڈ کیا گیا۔
اس درجہ بندی میں یوفون دوسرے نمبر پر رہا جس کا اسکور 49پوائنٹ 97 رہا، زونگ تیسرے نمبر پر 41پوائنٹ 21 اسکور کے ساتھ موجود ہے جبکہ ٹیلی نور حسبِ روایت سب سے پیچھے رہا اور 36پوائنٹ 45 اسکور حاصل کر سکا۔
یہ اسکور نیٹ ورک کی مجموعی کارکردگی، ویڈیو اسٹریمنگ، ویب براؤزنگ اور صارف کے تجربے پر مبنی ہوتے ہیں۔
شہری کارکردگی کے لحاظ سے فیصل آباد کو پاکستان کے بڑے شہروں میں سب سے تیز موبائل ڈاؤن لوڈ اسپیڈ رکھنے والا شہر قرار دیا گیا جہاں اوسط اسپیڈ 24پوائنٹ 45 ایم بی پیز رہی۔
لاہور دوسرے نمبر پر رہا جبکہ ملتان تیسرے نمبر پر آیا۔ دوسری جانب کوئٹہ سب سے کم اوسط اسپیڈ کے ساتھ 19پوائنٹ 37 ایم بی پیز پر رہا، جس کے بعد سیالکوٹ اور کراچی کا نمبر آتا ہے۔ دس بڑے شہروں میں جاز نے سب سے زیادہ تیز رفتار سروس فراہم کی۔
علاقائی اعتبار سے پنجاب سب سے آگے رہا جہاں اوسط موبائل ڈاؤن لوڈ اسپیڈ 22پوائنٹ 1 ایم بی پیز ریکارڈ کی گئی۔ سندھ دوسرے نمبر پر رہاجبکہ اسلام آباد کیپیٹل ٹیریٹری تیسرے نمبر پر آئی۔
لمبی چھٹیاں، طلبہ کی موجیں! کراچی سمیت پورے سندھ میں اسکول، کالجز کتنے دنوں کیلئے بند؟
سب سے کم رفتار آزاد جموں و کشمیر میں ریکارڈ کی گئی جو 11پوائنٹ 22 ایم بی پیز رہی، اس کے بعد فاٹا اور خیبر پختونخواہ کا نمبر رہا۔ پانچوں خطوں میں بھی جاز سب سے تیز رفتار سروس فراہم کرنے والا نیٹ ورک رہا۔
