گوگل نیوز پر ہمیں فالو کریںدبئی میں ہونے والے ایشیا کپ 2025 کے فائنل میں بھارت نے پاکستان کو شکست دینے کے بعد ایوارڈ تقریب افراتفری کا شکار ہوگئی۔ بھارتی کھلاڑیوں نے ایشین کرکٹ کونسل (اے سی سی) کے چیئرمین اور پاکستان کے وزیرداخلہ محسن نقوی سے ٹرافی یا میڈلز لینے سے انکار کردیا۔
اس انکار کی وجہ سے ٹرافی پیش کرنے کی تقریب میں تاخیر ہوئی اور بالآخر اسے مختصر کردیا گیا۔ اطلاعات کے مطابق ٹرافی کو اسٹیج سے ہٹا دیا گیا اور اسے بھارتی ٹیم کے حوالے کرنے سے پہلے ہی پوڈیم سے ہٹایا گیا۔
اب خیال کیا جارہا ہے کہ ایشیا کپ کی ٹرافی ٹورنامنٹ کے منتظمین کے پاس ہے جو اے سی سی یا متعلقہ تنظیموں کے زیر کنٹرول ہیں۔ بھارتی ٹیم کو اب تک باضابطہ طور پر ٹرافی نہیں دی گئی اور نہ ہی کوئی رسمی تقریب مکمل ہوئی ہے۔
اس تنازع نے بورڈ آف کنٹرول فار کرکٹ ان انڈیا (بی سی سی آئی) کو آئندہ آئی سی سی کانفرنس میں اس واقعے کے خلاف باضابطہ احتجاج کرنے پر مجبور کردیا ہے۔
کرکٹ میچ یا مودی کی سیاسی مہم؟ بھارتی ٹیم کا رویہ اپنی عوام کی نظروں میں مشکوک
اس سے قبل بھارتی کھلاڑی یادو نے ایشیا کپ کی ٹرافی نہ ملنے پر حیرت کا اظہار کرتے ہوئے کہا تھاکہ میں نے کرکٹ کھیلنا شروع کرنے کے بعد سے کبھی نہیں دیکھا یا سنا کہ فاتح ٹیم کو اس کی مستحق ٹرافی نہ ملے لیکن میرے لیے اصل ٹرافی ہمارے کھلاڑی، سپورٹ اسٹاف اور وہ سب ہیں جنہوں نے اس کامیابی میں حصہ ڈالا۔ اہم بات یہ ہے کہ ہر جگہ اسکرینز پر لکھا ہے کہ بھارتی ٹیم ایشیا کپ چیمپئن ہے۔
