گوگل نیوز پر ہمیں فالو کریںکراچی: محکمہ موسمیات کی طرف سے شمال مشرقی بحیرہ عرب اور ہندوستان کے رن آف کچھ کے علاقے میں بننے والے طوفان کی وجہ سے پاکستان میں سمندری طوفان کا الرٹ برقرار ہے۔
سمندری طوفان سے قبل 50 سے 60 کلومیٹر فی گھنٹہ کی رفتار سے ہوائیں چلنے کی توقع ہے، اس دوران سمندر کے حالات انتہائی خراب رہیں گے۔ ماہی گیروں کو مشورہ دیا گیا ہے کہ وہ 31 اگست تک سمندر میں جانے سے گریز کریں۔
پی ایم ڈی کے مطابق ایک گہرا ڈپریشن، جو بہت کم دباؤ کا علاقہ ہے، پچھلے 12 گھنٹوں کے دوران آہستہ آہستہ مغرب وجنوب مغرب کی طرف بڑھ رہا ہے۔ فی الحال یہ کراچی سے تقریباً 270 کلومیٹر جنوب مشرق میں واقع ہے۔
کراچی والو گھبرانا نہیں، بارش کا طاقتور اسپیل شہر کی طرف گامزن، طوفان کا خدشہ، مزید کتنی برسات ہوگی؟
ابتدائی رفتار سے پتہ چلتا ہے کہ طوفان جنوب مغرب کی طرف بڑھ سکتا ہے، جس سے کراچی ، تھرپارکر، بدین، ٹھٹھہ، سجاول، حیدرآباد، ٹنڈو محمد خان، ٹنڈو الہ یار، مٹیاری، عمرکوٹ، میرپورخاص، سانگھڑ، جامشورو اور دادو متاثر ہوں گے۔
پی ایم ڈی کا سائیکلون وارننگ سینٹر صورت حال پر گہری نظر رکھے ہوئے ہے، اور تمام متعلقہ حکام سے اپیل کی جاتی ہے کہ وہ سرکاری ایڈوائزری کے ذریعے باخبر رہیں۔
