گوگل نیوز پر ہمیں فالو کریںبھارتی اداکارہ شہناز گل اسپتال سے ڈسچارج ہوگئیں جس کی ویڈیو سوشل میڈیا پر وائرل ہورہی ہے۔
گزشتہ روز شہناز گل کے مداح تشویش میں مبتلا ہوگئے تھے جب اُنہیں معلوم ہوا کہ اداکارہ اسپتال میں داخل ہیں، اداکارہ فوڈ پوائزننگ کی شکار ہونے کے بعد ممبئی کے کوکیلا بین اسپتال میں داخل تھیں۔
تاہم، آج شہناز گل کو اسپتال سے ڈسچارج کردیا گیا ہے جس کی ویڈیو سوشل میڈیا پر وائرل ہورہی ہے، ویڈیو میں اداکارہ کو چہرے پر ماسک لگائے اسپتال سے باہر نکلتے ہوئے دیکھا جاسکتا ہے۔
View this post on Instagram
ویڈیو پر شہناز گل کے مداحوں کی جانب سے اُن کی مکمل صحت یابی کے لیے دعائیہ تبصرے کرنے کا سلسلہ بھی جاری ہے۔
واضح رہے کہ شہناز گل اپنی فلم ’ تھینک یو فور کمنگ‘ کی پروموشن کے دوران بیمار ہوگئی تھیں، اداکارہ نے سوشل میڈیا پوسٹ میں کہا تھا کہ دیکھو ٹائم سب کا آتا ہے سب کا جاتا ہے، میرے ساتھ بھی وہی کچھ ہوا، پھر آئے گا تھوڑے دن بعد۔
شہناز گل کا کہنا تھا کہ اُنہیں فوڈ پوائزننگ ہوگئی تھی جس کے باعث اسپتال میں داخل ہونا پڑا لیکن اب طبیعت بہتر ہے۔
